供定唔供?

我買過匯豐, 當想再買既時候, 見到會計仔既文匯豐十三問就Hold 住到依家. http://accountboyhk.mysinablog.com/index.php?op=ViewArticle&articleId=1599788
我諗大家拎錢出黎之前, 試想想機會成本, 市場真係無更好既選擇? 收息股無股息, 增長股無增長, 價值股無價值, 係匯控短期既處景.
其餘地區業務穩定, 只係未殺到, 唔好當係自己供股既原因. 管理層錯失左最好既時間去集資, 依家就比大行挾持, 呢次真係...
號稱香港股王的滙控(005)昨天終於公佈08年成績表，每股盈利為3.6元，較去年同期12.7元大幅下跌72%。以停牌前收市價56.95元計算，最新往績市盈率約為16倍。16倍市盈率在金融海嘯之下肯定已經貴，假設09年盈利倒退三成，09年每股盈利為2.52元，預測市盈率將擴大至23倍，呢個數字表示55至60元嘅滙控係超貴。
滙控好大機會下試40元，理由係在目前環境之下，銀行股市盈率超過10倍已經算貴。依據08年每股盈利為3.6元作非常簡單計算，滙控合理價為36元。若以09年預測每股盈利為2.52元計算，合理價更可能進一步下降至25元。當然，在評估合理價時，還需加入其他因素及個人預測。以上數字，旨作簡單說明而已。
值得特別注意的是，以上數字還未計及昨天公佈的供股計劃在內。滙控宣佈以「12股供5股」集資1,378億元，每股供股價約為28元。相信好多持有滙控的投資者，一向只投資藍籌股，鮮有供股經歷。
千萬不要以為每股供股價28元好抵，更不要認為供股價越低越好，因為供股計劃對原本持有的股份會出現攤薄效應，而股價亦會作出調整。就以滙控為例，停牌前收報56.95元，供股計劃宣佈後，調整市價為48.4元。最重要一點，當供股計劃完成後，滙控股本數目將擴大近三成。即使09年全年盈利不變，每股盈利仍會因股數增多而大幅下跌。因此，滙控股價在英國已下跌近20%。
以停牌前價計算，供埋股之後，每手個價係四十幾蚊...
四十幾蚊，係一個好貴既價，依家面對進退兩難既局面，怪就只好怪之前洗濕左個頭，透過供股...可以選擇溝淡，表面上收窄番過去既一d損失...
不過，之前既「大摩價」講緊33蚊...而匯豐自己開個價係28蚊...大家對於依個行業以及依個管理層有d咩前景...其實應該頗清楚...要估價大幅反彈，應該都唔係講緊短線...長線投資，可以揀既就一定唔止匯豐...
如果係以利息作考慮既，供股之後，每股盈利因股數增加而進一步攤薄...係咁既情況下，又點可以既望佢派息會好...
沉痛，不是因為匯豐盈利倒退6成2，也不是因為匯豐以大折讓供股，更不是匯豐決定全面關閉美國消費融資業務，我感到心痛的最大原因，係因為匯豐的管理層沒有在適當時間為股東果斷地做出適當決定。
供股一事已經討論多時，我唔明白點解匯豐管理層明知選擇關閉匯融會錄得106億商譽撥備，全年盈利會被上述數字嚴重影響之際才決定供股？還嫌市場不夠驚嚇嗎？

一份商譽減值前盈利比2007年業績高峰期倒退18%的業績，被匯豐管理層弄得如斯驚嚇，實在不得不令人折服....
本來決定關閉匯融業務係好事、供股集資係好事、2008年營運收益增加係好事，但匯豐管理層將幾件好事加起來竟然可以變成為一件壞事，你話心情唔沉痛就假既。
再講數字已經無謂，市場的反應話左俾匯豐管理層知佢地既決策時機有幾咁不濟！
一句講哂：捉到鹿唔識脫角！