失望基金

最近同球友醫生K打球，其間球友K全程苦口苦面。記得早前有報道話因金融海嘯關係，好多市民由本來睇私家醫生轉為睇政府醫生。我起初以為佢醫務所生意受到影響，所以心情唔多靚。誰不知球友醫生K話佢間醫務所生意不知幾咁好，呢排患上傷風感冒嘅病人幾乎多到睇都睇唔晒。當然打蛇隨棍上，問佢老哥既然醫務所生意咁好，何解仍愁眉苦臉。
嘩！點知球友醫生K話唔問就由自可，講起就把幾火。原來佢最近怒斬4份已供近10年的基金，損失非常慘重，仲話呢世都唔會再買基金咁話。醫生K話當年本住幫朋友，就幫襯朋友工作間基金公司。朋友教佢要分散風險，所以幫醫生K安排咗4份涉及唔同市場的基金，且一供就差不多近10年。
醫生K話近年收到的年結單，4份基金都顯示有錢賺。誰不知最近收到新一份年結單，一望之下心都實晒，4份基金通通蝕到入肉。即打電話俾朋友細問目前剩番幾多，朋友計一計答蝕咗近四成。醫生K話想全部贖回，點知朋友話佢啲基金要供至55歲退休，提早贖回要扣近一成作手續費。醫生K一怒之下，即全部贖回，最後埋單蝕近五成。
一向唔贊成啲朋友走去買基金，不論一次過供款及儲蓄成分供款的基金。原因係基金收費又高又複雜，基金資產本身透明度又極低，贖回時又要再蝕差價，贖回日又唔到你揀。但供了又真像泥牛入海...sigh...
我不贊成買入任何基金,主要原因係一般投資者買入基金嗰一刻，大多數依賴基金中介人的推介，鮮有自行對同類型的基金作出比較。而注意力一般都放在該基金過去的表現，絕少有心機去理會基金繁複的收費。
試想像一下，若您上年中去買基金，中介人給您看各類基金07年的表現，有哪一個基金表現會差。再者，基金中介人在推介各類基金給您時，其首要考慮未必是該基金是否適合其客戶，反觀，賣出哪一類基金給客戶能為其賺取最多佣金，才是其首要任務。
第二，好多買基金的投資者，以為買基金的風險比直接在市場買入股票低，且基金價格的波動性亦較細。但實情係大部分基金表現，好多時都跑輸大市。即升市時升幅不及相關市場的平均升幅，但跌市時跌幅又比相關市場的平均跌幅大。更要命的是不論基金表現嚴重跑輸大市，基金管理人每年收取的管理人酬金一樣咁多。另一個令我唔會買基金的原因，係大部分基金受其章程所限，基金持有的現金水平不能超過整體資產的某個百分比。即係話無論基金經理眼光如何獨到，明知股災明天出現，亦不能將基金資產全數變現，為基金持有人避險。
相對地，基金持有人即使明知股災明天出現，亦了解到基金經理不大可能為自己避險，最後仍要因為基金贖回需時，眼白白睇住基金資產大跌。先不計贖回時被扣的特高手續費，好多基金可能每月只有一日定為基金贖回日。
睇D開心短片...
Learn English commercial
http://www.youtube.com/watch?v=GT86iWiH2mI&feature=player_embedded
Cheers
http://www.youtube.com/watch?v=XOWFIbz9iAM&feature=player_embedded