往和歌山的溫泉都非常遙遠, 乘坐 JR 到和歌山市只去到一半路程. 在大阪的天王寺乘坐 JR くろしお ( Kuroshio 黑潮) 或 スーパーくろしお ( Super Kuroshio 超級黑潮) 號到白浜要兩小時多 (往 / 返 時刻表). 勝蒲就更遠, 乘坐以上黑潮列車要三小時多, 在紀伊勝蒲下車. 如果在名古屋去的話亦可乘坐 ワイドビュー南紀号 在紀伊勝蒲下車, 亦要三小時多.
在白浜住過 湯崎館, 包 30 分鐘貸切露天風呂. 一泊二食, 個晚餐像網頁裡面幅相一樣大堆頭, 早餐亦很豐富!! 職員英文不太了得, 不過態度一流, 還很好笑容.
湯崎館走 5-10 分鐘有個叫 崎の湯 的公眾露天溫泉, 入場費 300円, 那裡很正, 露天不特止, 還要對著太平洋浸湯, 更不時有海浪打進來. 真是一級推介!!! 崎の湯附近有一間店舖有得溫泉蛋吃, 不錯.
梅樽溫泉的 Hotel Seamore, 梅樽出名用大木桶浸溫泉, 可坐 6人的大木桶, 可望太平洋, 去時有好多台灣人住. 酒店不算頂級, 不過勝在每樣都不錯, 幾平均.
如果去勝浦那邊, 這間 ホテル中の島很正, 那時心大心細, 還是去了白濱. 這間 ホテル浦島 又要再去, 可能真是那個非常有名的忘帰洞 溫泉的厲害之處, 不過呢間多旅行團去, 中日團都多. 但吃晚餐 buffet 的, 食物比較馬虎.
在神戶附近, 兵庫縣的 有馬溫泉 是日本其中一個最古老的溫泉, 亦是日本三大名泉之一. 去有馬溫泉最方便是在梅田的阪急大阪站 (阪急酒店後面) 乘坐高速 阪急巴士 去有馬溫泉, 總站下車, 車程約 55分鐘. 可參考 平日班次 及 假日班次.
如果大家有時間的話, 亦可坐 JR 或 阪急電鐵 到神戶遊覽, 再在 三ノ宮站外坐普通的阪急巴士往有馬.
有馬溫泉不乏高質但價錢昂貴的溫泉酒店. 兵衛向陽閣 . 此外, 蔡瀾經常會帶團到的 有馬 Grand Hotel (有馬 グランドホテル).
如果嫌太昂貴的話, 可以試試日帰溫泉. 新近開幕的 太閤の湯 正正主打有馬的溫泉而可用半天的時間去享受. 場內有超過二十個大大小小溫泉池, 值得試試.
最有名o既關西溫泉，要算係距離只係約一個多小時車程o既有馬溫泉。位於兵庫縣o既有馬溫泉係日本三大著名溫泉之一，裡面o既溫泉因為有礦物質而令泉水似「金」同「銀」色，所以稱為金湯，銀湯，分別有不同療效。
正因為有馬近大阪，所以好適合d逗留關西時間唔耐o既遊客，選擇「日歸」->即係即日來回，只俾浸溫泉費用。除開放俾公眾又非常歷史悠久o既「金の湯」同「銀の湯」之外，其實好多有馬溫泉酒店都有「日歸」，但部份要連一餐料理。可以參考呢度o既介紹：
http://www.arima-onsen.com/chu1/spa.html
http://rail.hankyu.co.jp/ticket/shosai/arimataikou-1.html
當然，除「日歸」之外，時間許可o既話，book個一泊二食plan住一晚就最正！因為有馬溫泉就嚮神戶附近，唔少有馬溫泉夜晚果餐懷石料理仲有神戶牛食tim！有馬最大o既酒店就係呢間Arima Grand：http://www.arima-gh.jp/ 但價錢幾貴，一泊二食要港幣約三千幾蚊一日：
想平d既，可以選擇有馬view，住客可使用太閤の湯溫泉樂園：http://www.arima-view.com
有朋友住過呢間陵楓閣，一泊二食約二千蚊，幾細，溫泉只係一般，但交通幾方便：http://www.negiya.jp/
有馬溫泉交通
可於梅田乘阪急巴士直達有馬溫泉站，單程1330円，約55分鐘：
http://bus.hankyu.co.jp/kinki/arima_h.html
http://bus.hankyu.co.jp/highway/highway10.html
或坐阪急/阪神電鐵至三宮，再轉北神急行/神戶高速/神戶電鐵至有馬溫泉站。
白濱溫泉
位於和歌山縣，日本三大古湯之一o既白濱溫泉距離大阪乘JR約2小時，或乘巴士約3.5小時。白濱有少少似夏威夷o既威基基海灘，因為白濱o既溫 泉酒店幾乎都係沿海而建；所以，大部份酒店都有勁靚海景，部份溫泉更係對住海o既露天風呂！我試過一邊嚮白濱浸住露天溫泉一邊睇日落；果種情景，至今難忘：
白濱露天溫泉介紹：http://www.nanki-shirahama.com/spa/
雖然白濱比有馬遠，但白濱一般酒店都比有馬平，一泊二食約千幾二千蚊已經有唔錯o既酒店；想再平d，白濱亦有唔少民宿可以選擇。白濱比較有名o既酒店有梅樽溫泉酒店：http://www.seamore.co.jp/。
佢係用浸梅o既木桶盛溫泉水。最近剛住過佢o既海則洋室，個海景好靚：
梅樽隔籬o既草原の湯就係我一邊浸住露天溫泉一邊睇日落果度：http://www.onsenpark.com/index1.html
講白濱，又點可以唔提呢個只係三百幾円入湯費，但就海天一色o既公衆露天溫泉「崎の湯」呢：
其實白濱附近都有好多明勝如三段璧，円月島，Toretore海鮮市場等；若時間容許都幾值得去玩一至兩日！
白濱溫泉交通
明光巴士由大阪至白濱約3.5小時，5000円(包來回兩程)：http://www13.ocn.ne.jp/%7Emeikobus/kousoku/index.html
乘JR Ocean Arrow由大阪至白濱約2.5小時，單程4620円。
勝浦溫泉
離大阪乘JR都要3個幾4個鐘！雖然好遠，但單單一間浦島酒店，就已經令我覺得好值得：
http://hotelurashima.co.jp/onsen/onsen.htm
浦島酒店非常大，一間酒店裡面已經有6個溫泉區，而每個溫泉區又有3至4個溫泉池。其中一個溫泉「忘歸洞」係天然洞穴溫泉，海天一色，非常出名！
另外勝浦o既中の島溫泉酒店亦以島中露天溫泉聞名
勝浦附近亦有唔少景點，包括世界遺產熊野古道，那智大社，那智瀑布，同全日本吞拿魚產量最高o既勝浦漁港。你亦可以去附近太地海豚基地親親海豚，或去串本海中公園睇海龜。
關西溫泉區仲有城崎溫泉，龍神溫泉，虹原溫泉，蘆原溫泉等等等等，真係多到講都講唔晒！
大阪市內溫泉
若果真係冇時間去關西溫泉區浸溫泉，亦可以考慮比較人工化o既大阪市內溫泉；呢兩個都幾多人去，仲有部份溫泉可以穿泳衣：
世界の大溫泉： http://www.spaworld.co.jp/
La Spa：http://www.laspaosaka.com/
另要留意，血壓高或心臟病患者不宜浸溫泉；健康人仕亦應適可而止，浸約15分鐘就休息一陣。
希望大家嚮日本嚮受浸溫泉樂趣o既同時，亦幫忙尊守浸溫泉o既規條，愛惜溫泉資源，做個有公德心o既旅客！
魚生，海鮮
可能大阪食河豚太出名，以至令很多人忽視關西魚，海鮮料理。其實大阪中央市場每朝都有新鮮魚獲由關西各地運到；紀伊半島更加係3面環海，魚獲種類之多和豐富，其實絕對唔比日本其他地方輸蝕。
伊勢海老
亦即係我地口中o既龍蝦，係紀伊半島o既名物。伊勢海老比香港食開o既龍蝦細隻，通常會用o黎刺身或者阪燒。嚮臨海溫泉區如伊勢，鳥羽，志摩，勝浦，白濱一帶尤其多食伊勢海老店舖；溫泉酒店晚餐亦好多會有伊勢海老食。若去開和歌山黑潮市場和白濱Toretore市場，不妨買o黎一試。
越前螃蟹
又名椿葉蟹或松葉蟹，只在冬季至有得食；如果冬天去開兵庫縣o既城崎溫泉就千祈唔好錯過！
吞拿魚(鮪)
勝浦同串本都盛產吞拿魚，尤其係勝浦，勝浦漁港更加係全日本吞拿魚產量最多o既魚港之一：
去開勝浦，唔好忘記去勝浦築地試試係果度至有得食o既吞拿魚內臟料理：
和歌山黑潮市場同白濱Toretore市場每天都有吞拿魚由串本和勝浦漁港運到，約lunch時分會有湯吞拿魚表演。
大阪市內食店
道頓堀
蟹道樂本店(かに道樂)
門口有大大隻識郁o既蟹招牌，以螃蟹料理見稱，幾乎係香港人必去o既食店。想平d既，可以去食set lunch，2-3千幾yen都有交易！
金龍拉麵
提佢o既原因，只係想叫大家唔好去....嚮難波求其搵一間拉麵店都好食過佢！
燒章魚丸
大阪地道小食之一，嚮道頓堀通街都搵到！除老店本家日本一大たこ之外，另道頓堀極樂商店街7樓仲有間蛸やくし，可以自己燒o既自助章魚丸店，每張檯都有個章魚丸爐頭，好似幾得意咁。
大阪燒餅Okonomiyaki
另一源於大阪o既地道食品，意思係「隨你喜好」；所以，其實燒餅o既材料好多時都係任你自己配搭。通常會用蔬菜，海鮮，肉類等材料；略煎後再加入麵粉漿，最後再加大量醬汁，蔥，沙律醬，木魚絲等等....所以非常飽肚！
串家
唔少香港人去，食自助式炸物放題；想去o既記得印coupon。
自由軒
另一大阪名物，專食一種炒得好濕，中間加隻生蛋o既咖哩飯。
市場ずし
寿司新鮮，亦唔貴；推介海膽壽司。心齋橋同難波都有分店
黑門市場
其實係個類似街市咁o既地方，裡面有唔少新鮮食物售賣，如肉類，河豚，生果等，亦有少量食店。士多啤梨當造期時，呢間千成屋係掃貸好地方：
最近至發現黑門市場裡面有間"海老の大榮"鮮魚店，d大拖羅(O-Toro)壽司又平又抵食；呢4件大拖羅壽司都只不過950円，大拖羅入口即溶，勁好味啊！！
黑門市場有幾檔60円一杯鮮豆漿，豆味非常濃，但唔甜：
法善寺橫丁
夫婦善哉
專食日本紅豆沙湯丸既店舖~
魚心壽司
除好多人去過o既梅田本店之外，法善寺橫丁都有分店。我兩間都去過，兩間都覺得唔錯；尤其海膽同魚子壽司，好大碟：
阪急東通商店街
嚮梅田區阪急百貨店東側，非常多食店，所以夜晚勁熱鬧，係住梅田區必去o既食街。
京橋
大阪o既商業區；特別之處，係放工時間會有唔少「屋台」，即係好似香港大排檔咁o既食店。其中人氣屋台「居酒屋とよ」，以抵食海膽魚子壽司聞名。
青木松風庵
佢o既cheesecake，士多啤梨大福/葡萄大福都好好味，必試！
搵食Tips
去日本之前，大家不妨去呢幾個日本搵食網站望望，睇下想去o既食店有冇coupon，印定出o黎分分鐘慳唔少！
http://www.gnavi.co.jp
http://gourmet.yahoo.co.jp
http://www.hotpepper.jp
http://www.walkerplus.com/gourmet
沒有留言:
張貼留言